Evropaći komisija ( Šerutno direktorati  pala ortuikano krispe thaj ćinatorja ) dija  ko Konzorciuo katar 9 institucije andar e Slovenija  thaj Srbija te nakhaven  dobršengo projekto ( 2019-2021) tala o alav: »Respekto pala avrčhandipe sar o fundo pala e integracija  Rromenđi trujal bućaripe – sura Slovenija thaj Srbija« ( đindo : 848948 ).

Šerutne aresimata si

Generalikano aresipe

Maripe trujal e diskriminacija Rromenđi akcentosa po bućaripe thaj kodolesa te delpes zor  pe integracije e Rromenđi ande Slovenija thaj Srbija.

Specifikane  aresimata:

  1. Rodipe pala sebepurja thaj metode  katar e diskriminacija e Rromenđi kana si pučipe pala bućaripe katar e rig katar e manuša save bućaren thaj sar si  pe kodova  pučipe e Rromenđe sebepurja;
  2. Rodipe thaj analiza pe aver pučimata save pharjaren  Rromengo bućaripe ( akcentosa pe Rromnja thaj terne );
  3. Mincako vazdipe manušenđi save bućaren, Rromeđi, manušenđi ande foroske khera thaj aver riga save keren pe socijalno inkluzija Rromenđi thaj buhljardi javin, katar o semnipa pala maripe trujal e diskriminacija Rromenđi ando proceso pala lengo bućaripe.
  4. Šaimata te vazdenpes institucionalne kapaciteturja pala kola  saven si zor thaj šhat ažutin socijalno inkluzija Rromenđi;
  5. Ćerdipe rekomandacija pala pindžarde kupe thaj šaimata te vazdenpes e instrumenturja pala o sićope, džanglimako zorjaripe thaj  te bućaripe  ande strategija pala inćardo  buhljaripe po nacionalno thaj lokalno leveli thaj
  6. Te pharavenpes lačhe prakse maškar e riga ande e Srbija thaj Slovenija (po nacionalno thaj internacionalno leveli) thaj te buhljarenpes lačhe prakse ando regiono po  Pachamikano (Zapadno) Balkano taj Evrope

Projektošće aresimašće kupe si:

  1. Rroma save bućarenpes, akcentosa pe džuvlja thaj terne ( majpurane katar 18 brša);
  2. Kulturaća, profesionalne thaj aver rromane ćidimata;
  3. Rroma save si membrurja katar lokalne konsilurja ( ande Slovenija) thaj rromane koordinatorja ( ande Srbija;
  4. Šerutne thaj aver relevantne manuša ande javinaće thaj privatne firme;
  5. Forurja thaj aver semne akterurja thaj eksperturja save šhaj ažutin socijalno inkluzija Rromenđi;
  6. Gavarmenetošće thaj parlamentošće sektorja save len samo pe efekturja katar e integracija e Rromenđi   thaj
  7. Buhljardi javin e akcentosa pe lokalne ćidimata ande save trajin e Rroma